Ngipon nin tawo

An ngipon nin tawo iyo an nagrurunot, nagpapasa, asin nagbabaraak kan anoman na kakanon bago ini hamilon asin matunaw sa laog kan tulak. An tawo igwang apat na klaseng ngipon: an sa atubangan iyo an pamutol (Ing, incisor), pangha'ngil o tingo (Ing., canine), iyo an pangrabnot, pangtoltog (Ing., premolar) asin an ba'gang (Ing., molar) na iyo an pangrunot na mas mapino ngane madali asin dai makabalikogkog kan kakanon sa paghalon.

An mga poon kan ngipon nakalubong asin napupugolan kan inaapod na ngaros namomogtak sa itaas asin ibabang kabtang kan salang. An mga ngipon gibo sa mga tisyu (Ing., tissue) nin magkaiba-ibang pagkadusok asin pagkatagas.